Богдхан уулын хамгаалалт сайжирч байна

Богдхан уулын хамгаалалтыг сайжруулах зорилгоор энэ оны хоёрдугаар улиралд дотоод нөөц бололцоог дайчлан дараах ажлуудыг хийж гүйцэтгэлээ.

-Төрхурахын амны дээд хэсгийн хашааг өөрийн байгаль хамгаалагчдын хүчээр барьж байгуулах ажлыг хийж дуусган, “Байгалиа хайрлан хамгаалъя” самбар  байрлуулав.

-Дөрөвдүгээр хэсгийн байгаль хамгаалагчид Түргэний амны дээд амны хамгалалтын бүсийг хааж 350 метр төмөр хашаа, Манзуширын амны Байгаль хамгаалагч Ц.Бирваа ойруу орсон авто машины замыг хааж 800 метр хашаа,  Зүүндэлгэрийн байгаль хамгаалагч О.Хүрэлбаатар 1200 мерт хамгаалалтын хашаа, Баруундэлгэрийн амны байгаль хамгаалагч П.Отгонмичид 100 хамгаалалтын хашааг өөрсдийн хүчээр барьж сурталчилгааны самбарууд байршууллаа.

Ийнхүү  хашаажуулалтын ажлыг гүйцэтгэснээр  дээрх  амууд руу зөвшөөрөлгүй мал бэлчээрлүүлэх, авто тээврийн хэрэгслээр зорчих зэрэг зөрчлүүдийг таслан зогсоож тус амуудын хамгаалалтыг сайжруулсан.

-Богдхан уулын ар бэл, Туул голын эрэг орчмын газрыг хөрсний талхагдлаас хамгаалах зорилгоор авто машины хориглох болон зогсоолын тэмдэг 30 ширхэгийг хийлгүүлж Зайсан, Багатэнгэрийн амуудад байрлуулаад байна.

-Гуравдугаар хэсгийн байгаль хамгаалагчид 2011 оны 06 дугаар сарын 02-ны өдөр Зүүндэлгэр, Өгөөмрийн амны дээд өндөрлөгт өөрсдийн хүчээр харуулын цамхаг барьсан. Энэ цамхагийг барьснаар Ой хээрийн түймэр, ан амьтан болон модны хулгайн зөрчлөөс урьдчилан сэргийлэх харуул хамгаалалт  сайжирсан. 

-Хоёрдугаар хэсгийн байгаль хамгаалагчид 2011 оны 05 сарын 31-ний өдөр Чулуутын амны булгийн эхийг хашин хамгаалалтад авсан.